د ایرنا خبري اژانس د راپور له مخې، د ایران د اسلامي جمهوریت د بهرنیو چارو وزیر سید عباس عراقچي نن د لیندۍ په ۱۷ مه نېټه د آستانې له غونډې وروسته خبریالانو ته وویل: د آستانې په نننۍ غونډه کې د سوریې په اوسنیو مسائلو چې ډېر مهم دي، خبرې اترې او مشورې وشوې او دا د ټولو ګډونوالو د نظر توافق وو، چې شخړې باید سمدستي پای ته ورسیږي او د سوریې ځمکنۍ بشپړتیا او ملي حاکمیت ته باید درناوی وشي.
هغه زیاته کړه: په دې غونډه کې د سوریې د حکومت او د مشروع مخالفو ډلو ترمینځ د سیاسی خبرو اترو د پیلولو پریکړه وشوه او هوکړه وشوه چې په دې برخه کې به د سوریې له حکومت سره مشوره کوو او زه به هم خپله مشوره کوم.
عراقچي يادونه وکړه: ټاکل شوې ده روسيه هم د سوريې له حکومت سره سلا مشورې وکړي.
د پیغام پای/
Your Comment