حزب‌الله په دغه ګوند کې د نوې قوماندې د رامنځته کېدو په اړه د رویټرز ادعا رد کړه

د ایرنا خبری اژانس د رپوټ له مخې، په لبنان کې د حزب الله د رسنیز مرکز د جمعې په شپه د تله ٢٠ مه وویل: رویټرز خبري اژانس په دې اړه یو راپور خپور کړی چې د حزب الله د ځمکنۍ جګړې لپاره نوې قومانده او د دې جګړې د څرنګوالي، پلانونو او وسلو په اړه جزئیات لري.

خبرنامې زیاته کړه: دا راپور د رویټرز د لیکوالانو، ژورنالیستانو او امنیتي مشاورینو له تصوره پرته بل څه نه دي او په یقیني توګه هغه څه چې د حزب الله یوه ساحوي قومندان ته منسوب شوي دي په بشپړه توګه دروغ دي.

 د لبنان د حزب الله زیاته کړه: د دغه غورځنګ پالیسي لکه څنګه چې څرګنده ده او شاید موږ یې تکرار کړو، دا دی چې په حزب الله کې هیڅ سرچینه نشته، او دا چي یوازې یو ساحوي قوماندان ته پریږدئ چې دومره خطرناک معلومات چمتو کړي لکه څنګه چې ورته منسوب شوي.

 پرون رویټرز خبري اژانس د حزب الله د یوه ساحوي قوماندان له خولې ویلي چې حزب الله د نوې پوځي قوماندې له لارې د لبنان په جنوب کې د اوږدې مودې جګړې ته تیاری نیسي.

 رویټرز د لبنان د اسلامی مقاومت د دغه ډګر د قوماندان له قوله چې نوم یې نه دی یاد شوی، ادعا کړې چې د حزب الله مجاهدینو د شهید سید حسن نصرالله له وژل کېدو ۷۲ ساعته وروسته د عملیاتو یوه نوې خونه جوړه کړه.

 رویټرز د خپلې ادعا په دوام کې د دغې نامعلومې سرچینې په حواله زیاته کړه: د صهیونیسټ رژیم له پرله پسې حملو سره سره د قوماندې نوی مرکز فعالیت کوی او مجاهدین د دغه مرکز له حکم سره سم توغندی، راکټونه او ډرون ویشتلی او له صهیونیسټ رژیم سره جنګیږی.

 دغه برتانوي خبري اژانس د حزب الله د دغه ساحوي قوماندان له قوله ليکلي او ادعا کوي چې د حزب الله نوې قومانده په بشپړ محرم دول فعاليت کوي.

 د پیغام پای/