په کابل کې د ایرنا خبري آژانس د خبریال له مخي، د افغانستان د سرپرست حکومت د مهاجرینو او راستنیدونکو چارو وزارت چارواکو نن سه شنبه د تله ۱۴ مه په یوه خبرپاڼه کې خبر ورکړی، چې د دغه وزارت سرپرست خلیل الرحمن حقاني د قرآن کریم د حافظانو د فراغت په مراسمو کې په پکتیا کې وینا وکړه.
حقاني وویل: د قرآن کریم حفظ کول یو لوی فضیلت دی، خو د قرآن کریم د نزول له پړاو څخه لومړی هدف په هغه عمل کول او د شریعت او اسلام مطابق ژوند کول دي.
هغه زیاته کړه: د باثباته افغانستان او د هر ډول تیري په وړاندې د خپل ځان د دفاع لپاره باید دیني او معاصر علوم هر افغان زده کړي.
د مهاجرینو چارو سرپرست وزیر هم له خلکو وغوښتل چې دیني مسایل مطالعه کړي.
په دې مراسم کې د دغه ولایت د علماوو شورا رئیس او د علماوو شورا رئیس صالح محمد فقیر او مولانا سید جمال هم حضور درلود.
د پیغام پای/
Your Comment