په کابل کې د ایرنا خبري آژانس د خبریال له قوله، د افغانستان د سرپرست حکومت د مهاجرینو او راستنیدونکو چارو وزارت چارواکو یکشنبه د وږی ۲۵ مه په خپله خبرپاڼه کې اعلان وکړ چې د ۱۴۴ سرپناه د بنسټ ډبره د دغه وزارت د مسلکی مرستیال مولوي عبدالرحمن رشید او د والي مرستیال په حضور کې کېښودل شوه.
خبرځاى زياته کړه: دغه سرپناه د ملګرو ملتو د مهاجرينو د عالي کميشنرۍ په مالي مرسته د اکرو موسسې له خوا د څلويښتو مليونو افغانيو په لګښت د يوه کال په موده کې جوړيږي.
د یاد وزارت مرستیال عبدالرحمن راشد د دغو سرپناهونو د افتتاح په مراسمو کې وویل: د ویاړ ځای دی چې د اسلامي امارت په راتګ سره دا ډول پروژې زیاتې شوي او د مهاجرینو چارو وزارت هڅې روانې دي چی د بې ځایه شویو او راستنیدونکو لپاره د دا ډول پرمختیایي پروژو په رقم کې زیاتوالی راشي.
د پیغام پای/
Your Comment