په کابل کې د ایرنا خبري آژانس د خبریال له قوله، د افغانستان د سرپرست حکومت د عدلیې وزارت چارواکو نن پنجشنبه د وږی په ۲۲ مه په یوه خبرپاڼه کې اعلان وکړ چې د سمنګان ولایت د ځمکو د غصب د مخنیوي د تخنیکي کمېټې غونډه د دغه کمېسیون د رئیس او غړو په حضور کې جوړه شوه.
خبرځاى زياته کړه: په دې غونډه کې تخنيکي بورد د دغه ولايت په حضرت سلطان ولسوالۍ کې څه د پاسه څلويښت زره جريبه ځمکه چې څه موده مخکې د دولت له خوا غصب شوې وه، بېرته د کرنې رياست ته وسپارله.
په دې غونډه کې د ځمکو د غصب او د ځمکو د دعوې پر یو شمېر قضیو خبرې وشوې او پرېکړه وشوه، چې دغه ځمکې دې د یوه تخنیکي بورډ له خوا وڅېړل شي، څو خصوصي او دولتي ځمکې جلا شي.
د ایرنا د راپور له مخې د امریکا په مشرۍ د ناټو له خوا د افغانستان د اشغال په شلو کلونو کې په سلګونو زره جریبه دولتي ځمکې د داخلي امریکايي اجیرانو له خوا غصب شوې وو چي د اسلامي امارت د بیرته واکمنېدو وروسته بیرته راګرځول شوي ده.
د افغانستان د سرپرست حکومت د عدلیې وزارت په تېره یوه میاشت کې د هېواد په اوو ولایتونو کې ۴۳ زره ۲۷۵ جریبه دولتي ځمکه له غاصبینو بېرته راګرځولې ده.
د پیغام پای/
Your Comment