پزشکیان د فلسطین له خلکو او د بیت المقدس له ازادۍ څخه د ایران په هراړخیزه ملاتړ ټینګار وکړ

د ایرنا خبري آژانس د خبر له مخې، د فلسطین د اسلامی مقاومت غورځنګ(حماس) د سیاسی دفتر مشر اسماعیل هنیه ته په یوه پیغام کښې د ایران د اسلامی جمهوریت منتخب ولسمشر مسعود پزشکیان له فلسطین څخه د ایران د هر اړخیز ملاتړ په دوام او د بیت المقدس ښار د آزادۍ لپاره ټینګار وکړ. 

د پیغام متن په لاندې ډول دی:

د خدای په نوم
محترم اسماعیل هنیه
د فلسطین د اسلامی مقاومت غورځنګ(حماس) د سیاسی دفتر محترم مشر
السلام علیکم ورحمت الله وبرکاته
زه د ایران د اسلامی جمهوریت د ولسمشر د ټاکل کیدو په مناسبت ستاسو د مبارکۍ پیغام له تاسو څخه د زړه له کومی مننه کوم.

د ایران اسلامی جمهوریت د اسلامی انقلاب له لوړو اصولو او هدفونو او د امام خمینی (رح) د ایډیالوژۍ په چوکاټ کښې او د ستر لارښود دام ظله العالی د لارښوونو په چوکاټ کښې د ایران اسلامی جمهوریت خپله انسانی او اسلامی دنده ګڼی د صهیونیسټي رژیم د نیواک او نژادي تبعیض په وړاندې د فلسطین د ملت او د هغه له مبارزې څخه ملاتړ وکري او د فلسطین د مظلوم ملت د ټولو ایډیالونو او حقوقو د تحقق او د قدس شریف له آزادۍ څخه به ملاتړ ته دوام ورکړي.

زه ډاډه یم چې د فلسطین د مظلوم او مقاوم ملت د تاریخي مقاومت او په روانه جګړه کې د فلسطین د جنګیالیو د اتلولۍ مبارزې په سیوري کې به ګران فلسطین ته بریا او الهي بریا ور په برخه شي.

د لوی خدای (ج) له درباره د فلسطین خلکو ته د روغتیا او عزت، د مجاهدینو ته د عزت او ازادۍ، د مقاومت اتلانو ته د الهي نصرت او د فلسطین ګرانو شهیدانو ته د خدای له درباره د فردوس جنت غوښتنه کوم.
مسعود بیزکیان

د پیغام پای/