هرات کې د ایرنا خبري آژانس د خبریال په خبره؛ د هرات ولایت د اطلاعاتو او فرهنګ ریاست دوشنبې ماښام د چنګاښ ۱۱ مه د «هرات ماښام» تر نامه لاندې نندارتون د هنرمندانو د ملاتړ په موخه د علامه صلاح الدین سلجوقي په سالون کې جوړ کړ.
د هرات ولايت د اطلاعاتو او فرهنګ رییس مولوي احمدالله متتي وويل: د هرات ولايت د اطلاعاتو او فرهنګ رياست تل له هنرمندانو څخه ملاتړ کړى او له ټولو هېوادوالو څخه هيله کوم چې دغه نندارتون ته مراجعه وکړي.
د هرات د اطلاعاتو او فرهنګ رييس زياته کړه: ښاريان هم کولاى شي د هنرمندانو په ملاتړ کې رول ولوبوي او د هنرمندانو له آثارو څخه د خپلو کورونو د سينګار لپاره استفاده وکړي.
د دغه نندارتون د تنظیم مسوول عبدالکریم ارباب زاده وویل: په دغه نندارتون کې د بېلابېلو څانګو څه باندې ۲۳۰ اثار نندارې ته ایښودل شوي، چې ډېری یې د ښځو اثار دي.
ارباب زاده زیاته کړه: اوس مهال په هرات کې د هنرونو حیثیت خورا لوړ دی او د اسلامي امارت له واکمنۍ راهیسې وده کړې او په ملي او نړیوالو نندارتونونو کې د ګډون توان لري.
د ایرنا د خبر له مخې دغه نندارتون د دریو ورځو لپاره د لیدونکو لپاره پرانیستی دی.
د پیغام پای/
Your Comment