کابل کې د ایرنا خبري آژانس د خبریال په خبره؛ د ایران اسلامي جمهوریت مرکزي بانک نن یکشنبې د چنګاښ ۱۰ مه اعلان کړی دی، چې سوداګریزې راکړې ورښيي ښيي، چې د روان کال په لومړیو دریو میاشتو کې تیلي او غیر تېلي صادرات ۲۵.۵ میلیارد ډالرو ته رسېدلي چې د تېر کال د ۲۱.۵ میلیارد ډالرو په صادراتو سره دا د سږ کال په لومړیو دریو میاشتو کې ۱۸.۶ سلنه زیاتوالی ښيي.
د مرکزي بانک د راپور پر بنسټ، د روان کال په لومړۍ ربع کې د تېر کال د همدې مودې په پرتله د دغه هېواد سوداګريز توازن له ۷.۴ مليارډو امريکايي ډالرو څخه ۵۱.۳ سلنه زيات شوی دی.
په راپور کې ویل شوي، چې مرکزي بانک هم د روان کال له پیل څخه د چنګاښ د میاشتې تر اتمې نیټې پورې د لومړنیو توکو، درملو او سوداګریزو توکو د واردولو لپاره ۱۷ ملیارده او ۴۱۷ میلیونه ډالره بهرني اسعار ورکړي، چې له دې جملې څخه ۳ میلیارده ډالر او ۹۷۵ ملیون ډالره بهرني اسعار د لومړنيو توکو او درملو برخه وه.
د پیغام پای/
Your Comment