کابل کې د ایرنا خبري آژانس د خبریال په خبره؛ د افغانستان د سرپرست دولت د تخنیکي او مسلکي تعلیماتو ادارې رییس غلام حیدر شهامت نن پنشنبې د چنګاښ ۷ مه په کابل کې د روشندلان د تخنیکي او مسلکي زده کړو د موسسې د رییس محمد فیضي د خدمتونو ستاینه وکړه.
مولوي شهامت په دې غونډه کې وويل: د اسلامي نظام مسوولين د خداى او خلکو په وړاندې حساب ورکوونکي دي، نو بايد ورسپارل شوې دنده په سمه توګه ترسره کړي.
هغه وويل: د روشندلان په انسټيټيوټ کې د فيضي هلې ځلې د ستاينې وړ دي.
شهامت زياته کړه: د تخنيکي او مسلکي زده کړو رياست د هغو کسانو لپاره چې د اورېدلو او ليد د معلوليت لري، د زده کړو په خصوصي مرکزونو کې ټولې لازمې اسانتياوې برابرې کړي دي.
د کابل د روشندلان انسټيټيوټ استادانو او مسوولينو د تخنيکي او مسلکي زده کړو رياست له خدمتونو او د بصري او اورېدلو معلولينو ته د دغه رياست د مشرتابه د زياتې پاملرنې له امله مننه وکړه.
د پیغام پای/
Your Comment