کابل کې د ایرنا خبري آژانس د خبریال په خبره؛ د باميانو ولايت د اطلاعاتو او فرهنګ ریيس مولوي صفي الله رائد نن چهارشنبې د چنګاښ ۶مه باميانو ولايت ته د ګڼ شمېر کورنيو او بهرنيو سيلانيانو د سفر خبر ورکړ.
د باميانو ولايت د اطلاعاتو او فرهنګ رييس زياته کړه: يوازې په تېرو دريو مياشتو کې څه د پاسه سل زرو کورنيو او بهرنيو سيلانيانو د باميانو له لرغونو او طبيعي آثارو څخه ليدنه کړې ده.
د رائید په وینا، څه باندې ۹۰ زره کورنیو او ۹۲ بهرنیو سیلانیانو یوازې د کوچني اختر په شپو او ورځو کې د بامیانو له تاریخي او طبیعي ځایونو څخه لیدنه کړې ده.
د ایرنا د راپور له مخې؛ په افغانستان کې د کابو درېو کلونو په موده کې د سرپرست دولت له اغېزمنتیا او په ټول هېواد کې د امنیت له تامین سره د سیاستوالو لېوالتیا زیاته شوې ده.
د پیغام پای/
Your Comment