کابل کې د ایرنا د خبریال د راپور له مخې د پاکستان د دفاع وزیر خواجه محمد اصف د چنګاښ ۵ مه له یوې پاکستانی رسنۍ سره په خبرو کې په خپل دریځ کې په واضح بدلون سره وویل له افغانستانه د امریکا له وتلو وروسته په سیمه کې ویره کمه شوې او دا خاوره اوس خوندي ده.
د پاکستان د دفاع وزیر زیاته کړه، چې د افغانستان سرپرست دولت باید له ترهګرۍ سره د مبارزې لپاره د حل لارو ملاتړ وکړي.
هغه څرګنده کړه، کله چې امریکا له افغانستانه ووتله او کابل د طالبانو لاس ته ولوېد، اوس په سیمه کې ترهګري ډېره کمه شوې ده، لکه د پخوا په څېر نه ده چې کله امریکا وه. اوس د افغانستان خاوره خوندي ده، خو بهر ترهګر شته، چې کله په روسیه او کله هم زموږ په هېواد او نورو هېوادونو کې راڅرګندېږي.
د ایرنا د خبر له مخې د پاکستان د دفاع وزیر له دې مخکې ویلي وو چې په پاکستان کې د ترهګرۍ سرچینه له افغانستانه ده او ترهګر په افغانستان کې اډې لري.
د پیغام پای/
Your Comment