کابل کې د ایرنا خبري آژانس د خبریال په خبره؛ د افغانستان د سرپرست دولت د کورنیو چارو وزارت ویاند عبدالمتین قانع دوشنبې د چنګاښ ۴ مه ماښام په خپله اېکس پاڼه یوه خبرپاڼه خپره کړه او لیکلي یې دي: نشه يي توکي یو نړیوال ګواښ دی او له دې پدیدې سره مبارزه پکار ده، د هېوادونو او نړیوالو سازمانونو ګډ عمل او مبارزه.
ده وویل: د افغانستان اسلامي امارت له نشه یي توکو سره مبارزې ته ژمن دی او له نېکه مرغه په کم وخت او محدودو منابعو سره توانېدلی چې له افغانستان څخه د نشه یي توکو کرکیله له منځه یوسي.
د کورنيو چارو وزارت وياند زياته کړه: موږ په ډاډ سره ويلاى شو چې اوس مهال له افغانستان څخه ګاونډيو هېوادونو او نړۍ ته د نشه يي توکو د کرکيلې له امله کوم ګواښ نه دى رامنځته شوى او هيله لرو چې نړيوال سازمانونه هم له اسلامي امارت په ځانګړې توګه د افغان بزګرانو لپاره د بدیل معیشت برخو کې مرستې او همکارۍ وکړي.
د پیغام پای/
Your Comment