کابل کې د ایرنا خبري آژانس د خبریال په خبره؛ د افغانستان د سرپرست دولت د صنعت او سوداګرۍ وزارت نن دوشنبې د چنګاښ ۴ مه په یوه خبرپاڼه کې له خصوصي سکتور سره د نورالدین عزیزي د اقتصادي ناستې خبر ورکړی دی.
د خبرپاڼې پر بنسټ د صنعت او سوداګرۍ وزارت سرپرست په دغه ناسته کې و ویل: د صنعتي پارکونو قانون د اسلامي امارت د مشرتابه له خوا توشیح شوی دی او په نېږدې راتلونکې کې به د صنعتي پارکونو د وېش لړۍ پیل شي.
عزيزي، چې د خصوصي سکټور او اقتصادي تمويلوونکو په غونډه کې يې خبرې کولې، زياته کړه، چې په دې وروستيو کې شاوخوا زرو صنعتي شرکتونو له دغه وزارت څخه جوازونه ترلاسه کړي دي.
د ایرنا د خبر له مخې؛ صنعتکاران تل په هېواد کې د خپلو تولیداتو د زیاتوالي لپاره د مناسب ځای او د برېښنا له نشتوالي شکایت کوي.
د پیغام پای/
Your Comment