د ایرنا خبري اژانس د راپور له مخې؛ د ایران اسلامي جمهوریت د بهرنیو چارو وزارت د اقتصادي ډیپلوماسۍ مرستیال مهدي صفاري پرون د چنګاښ ۲ مه له رسنیو سره په خبرو کې د اسیا د همکارۍ د خبرو اترو فورم د وزیرانو د غونډې د تر سره کولو د موضوع په اړه وویل: نن یکشنبه او سبا د اسیا د همکارۍ د دیالوګ فورم د بهرنیو چارو وزیرانو ۱۹مه غونډه ده، موږ له تېرې میاشتې راهیسې د دغې غونډې مشري کوو.
ده وويل: لومړۍ غونډه په نيويارک کې د شهيد امير عبداللهيان په لاس جوړه شوې وه او دا يې دويمه غونډه ده، له ټاکنو څخه څلور ورځې وړاندې د سرطان په څلورمه نېټه ټاکنې کېږي، په دغه فورم کې د اسيايي هېوادونو شمېر ۳۵ دی او د اسيا ټول ځواکمن هېوادونه هم د دغه فورم غړيتوب لري.
د ایران د بهرنیو چارو وزارت د اقتصادي ډیپلوماسۍ مرستیال څرګنده کړه: د یکشنبې په ورځ به د بهرنیو چارو وزارت د مرستیالانو په کچه غونډه پیل کړو او په اجنډا کې به یوه اعلامیه شامله وي چې د غونډې لپاره باید چمتو شي، د ایران د پلان ارزول د هغو شپږو کمېټو پر بنسټ چې وړاندیز یې کړی، د دغې غونډې له اجنډا څخه یوه ده.
صفري زیاته کړه: په مخالفو اړخونو کې د اسیايي هېوادونو ترمنځ همغږي د دغې غونډې له موخو څخه ده چې په اسیا کې جوړه شوې ده، په ایران کې د دې شمېر هیوادونو یوځای کېدل یو بریالیتوب ګڼل کېږي.
هغه وویل: هغه شپږ کمیټې چې ایران وړاندیز کړی د ټرانزیټ او ارتباطاتو کمیټه، د ساینسي ټیکنالوژۍ او سوداګرۍ کمېټه، د ګرځندوی او کلتور کمېټه، د پوهنې او د بشری منابعو کمېټه او په پای کې د جامع او پایداره پراختیا کمېټه ده.
د ایران د بهرنیو چارو د وزارت د اقتصادي ډیپلوماسۍ مرستیال څرګنده کړه: دغه غونډه د شانګهای یا بریکس له غړیو هېوادونو سره د ښو ملګرتیاو د لرلو لپاره د دغو ۵۳ هېوادونو لپاره یو پلیټ فارم او ښه فرصت دی، د شپږو کمېټو سره چې ما یادونه وکړه، موږ کولی شو د دې سرمشریزې له غړو هېوادونو سره مناسبه همغږي ولرو.
صفاري ټینګار وکړ: په دې غونډه کې به څه باندې ۴۱ بهرني پلاوي هېواد ته داخل شي چې له دې جملې څخه ۲۵ یې د بهرنیو چارو د وزیرانو، د بهرنیو چارو وزارت د مرستیال په کچه دي، په دې سرمشريزه کې د ايران له خوا يو ښه نوښت دا دی چې موږ د ايکو د سرمنشي ترڅنګ د اسيا د نورو اقتصادي سازمانونو عمومي منشي ته بلنه ورکړې ده.
د پیغام پای/
Your Comment