کابل کې د ایرنا خبري آژانس د خبریال په خبره؛ د افغانستان د سرپرست دولت اقتصادي مرستیال ملا عبدالغني برادر دوشنبې د غبرګولي په ۲۸ مه د لوی اختر د لمانځه پر مهال په خپلو خبرو کې وویل چې د مشرتابه له حکم سره سم به د غور ولایت له سېلاب ځپلو سره مرسته وکړي.
نوموړي دغه راز وويل، چې غور ولايت ته يې د خپل سفر پر مهال له بېلابېلو ډلو سره وکتل او د خلکو په ځانګړې توګه د سېلاب ځپلو ستونزې يې له نږدې وڅېړلې.
ملا برادر په غور ولایت کې د لوی اختر د لمانځه پر مهال وویل چې اسلامي امارت د ختیځ – لوېدیځ دهلیز سړک جوړولو پروژې په ګډون پرمختیایي پروژې پیل کړې دي.
د ایرنا د خبر له مخې د هرات- غور پروژه یوه له هغو پروژو څخه ده چې د بامیان، دایکندي او میدان وردګو په ګډون مرکزي ولایتونه د ځمکني ترانسپورت له لارې له کابل سره نښلوي.
د پیغام پای/
Your Comment