کابل کې د ایرنا خبري آژانس د خبریال په خبره؛ د افغانستان د سرپرست دولت د بهرنیو چارو د وزارت ویاند عبدالقهار بلخي نن یکشنبې د غبرګولي ۲۷مه په خپله اېکس پاڼه لیکلي: له ملګرو ملتونو سره د تېرو دوو میاشتو د خبرو اترو په اجنډا او له اسلامي امارت سره د دوحې د راتلونکې غونډې پر جوړښت خبرې وشوې.
د بلخي په وينا، افغانستان به له ملګرو ملتونو سره د يادو دوو مياشتو خبرو د پايلو پر بنسټ د دوحې په غونډه کې ګډون وکړي.
هغه څرګنده کړه: که چېرې د غونډې په جوړښت او اجنډا کې بدلون راشي، نو دا به خامخا زموږ پر تصمیم نیونې اغېزمن کړي او بیا به له ټولو خواوو سره خبرې وشي.
تر دې مخکې د افغانستان د سرپرست دولت ویاند ذبیح الله مجاهد ویلي و چې د دوحې په درېیمه ناسته کې به د افغانستان استازي ګډون وکړي.
د پیغام پای/
Your Comment