کابل کې د ایرنا خبري آژانس د خبریال په خبره؛ د روسیې د بهرنیو چارو وزارت ویاندې ماریا زاخارووا نن دوشنبې د غبرګولي د ۲۱ مه د سن پیټرزبورګ اقتصادي ناستې په څنډ کې تاس خبري آژانس ته ویلي: د ترهګرو له تور لېست څخه د طالبانو ایستل د هېواد د اړتیا پر اساس دي او اړتیا ده چې له طالبانو سره د ترهګرۍ او نشه يي توکو د قاچاق سره د مبارزې په موخه اړیکه ټینګه کړي.
هغې زیاته کړې، د ترهګرو ډلو له لست څخه د طالبانو د نوم د ایستلو د احتمال په اړه کار روان دی.
زاخارووا ټینګار وکړ هغه کسان چې په دې مسله کې انتقادي چلند لري دا حقیقت له پامه غورځوي چې د ترهګرۍ، نشه يي توکو قاچاق او سازمان شویو جرمونو پر وړاندې مبارزه له طالبانو سره تماس ته اړتیا لري.
د ایرنا د راپور له مخې تر دې مخکې د روسیې ولسمشر او د بهرنیو چارو وزیر هم ویلي چې له افغانستان سره د اړیکو ټینګولو ته اړتیا ده.
د پیغام پای/
Your Comment