کابل کې د ایرنا خبري آژانس د خبریال په خبره؛ د پنجشېر ولایت د اطلاعاتو او فرهنګ ریاست نن دوشنبې د غبرګولي ۲۱ مه پنجشېر ولایت ته د کرنې، اوبولګولو او مالدارۍ وزارت د مرستیال په مشرۍ د یوه پلاوي د ورتګ خبر ورکړی دی.
د کرنې، اوبولګولو او مالدارۍ وزارت مرستیال د پنجشېر ولایت د کرنې، اوبولګولو او مالدارۍ له رییس قاري فضل الله دیوبند سره په کتنه کې د نوموړي د سفر موخه په دغه ولایت کې د خلکو د ستونزو، وړاندیزونو، نظریاتو، د پلانونو پلي کول او د کرنې د پراختیا په برخه کې خبرې اترې دي.
د کرنې، اوبولګولو او مالدارۍ وزارت مرستیال د پنجشیر د کرنې ریاست د کارونو د ستاینې پر مهال وویل، چې په روان کال کې به په دغه ولایت کې د یو لړ ګټورو کرنیزو پروګرامونو د تطبیق شاهدان واوسو.
مولوي عثماني په دې کتنه کې ټینګار وکړ چې د کرنې، اوبولګولو او مالدارۍ وزارت په پنجشیر ولایت کې د کرنې د سیستم پراختیا او میکانیزم کېدو ته ژمن دی.
په دې کتنه کې د پنجشېر ولايت د کرنې رييس هم د کرنې مرستيال ته د خپل رياست د دندو او لاسته راوړنو راپور ورکړ او په دغه ولايت کې يې د کرنې د سيسټم پراختيا او ميکانيزم ته د لا زياتې پاملرنې غوښتنه وکړه.
د پیغام پای/
Your Comment