کابل کې د ایرنا خبري آژانس د خبریال په خبره؛ د بدخشان ولایت د اطلاعاتو او فرهنګ ریاست د اطلاعاتو امر حکمت الله محمدي یکشنبې د غبرګولي ۲۰ مه ویلي: په دغه ولایت کې د یوې ترافیکي پېښې له امله ۴ تنو ژوند له لاسه ورکړی او ۷ تنه نور ټپیان شوي دي.
د محمدي په وینا دغه پېښه د شپې ۱۰ بجې د بدخشان ولایت د یفتل پایان ولسوالۍ د دهن آب سابات په سیمه کې رامنځ ته شوې ده.
د بدخشان ولایت د اطلاعاتو او فرهنګ ریاست د اطلاعاتو امر د دغه پېښې د رامنځ ته کېدو لامل له سړک څخه د لنډکروز موټر اوښتل بولي.
د هغه په وینا، یاد موټر له راغستان ولسوالۍ څخه د بدخشان مرکز فیض آباد په لور د حرکت په حال کې وو.
د پیغام پای/
Your Comment