افغانستان و اوزبیکستان روی همکاری‌های علمی صحبت کردند

به گزارش خبرنگار خبرگزاری ایرنا در کابل؛ لطف الله خیرخواه معین علمی وزارت تحصیلات عالی و سرپرست این وزارت امروز یکشنبه 20 جوزا، با یادگار خواجه شادمانوف سفیر اوزبیکستان در کابل دیدار کرد.

طرفین در این دیدار، روی حل مشکلات محصلان افغان مقیم آن کشور، بورسیه‌های تحصیلی برای جوانان افغان و همکاری‌های دوجانبه علمی صحبت کردند.

معین علمی وزارت تحصیلات عالی با اشاره به مشترکات دیني، زبانی و فرهنگی میان دو کشور، بر همکاری‌های علمی دوجانبه تاکید نمود، و از کمک‌های کشور اوزبیکستان در عرصه‌های تحصیلی قدردانی کرد.

یادگار خواجه شادمانوف سفیر کشور اوزبیکستان هم در این دیدار گفت: در حال حاضر 43 تن محصل افغان در کشور اوزبیکستان مصروف تحصیل هستند.

وی در رابطه به اعطاء 50 سیت بورس تحصیلی در مقطع لیسانس نیز خبر داده و پیرامون همکاری‌های دوجانبه علمی میان این دو کشور آمادگی خویش را اعلام کرد.

پایان پیام/