کابل کې د ایرنا خبري آژانس د خبریال په خبره؛ د پنجشېر ولایت د اطلاعاتو او فرهنګ ریاست نن پنشنبې د غبرګولي ۱۷ مه دغه ولایت ته د اقتصاد وزارت د مسلکي مرستیال ډاکتر عبدالطیف نظري او ورسره پلاوي د ورتګ خبر ورکړی دی.
د اقتصاد وزارت مرستیال د خپل سفر په ترڅ کې د پنجشېر له والي حافظ محمد اغا حکیم او د دغه ولایت د انجوګانو او رهبرۍ کمېټې د همغږۍ په غونډه کې د دغه ولایت له مرستیال ملا شاه ملنګ روح الله سره وکتل.
په دې کتنه کې د پنجشير ولايت والي د اقتصاد له مرستيال څخه وغوښتل چې د ساختماني پروژو په برابرولو کې دې پنجشير ته لومړيتوب ورکړي.
په ورته وخت کې د اقتصاد وزارت مرستیال هم وايي، د افغانستان اسلامي امارت هڅه کوي، چې د هېواد د صنعت او کورنیو تولیداتو د تولید سیستم د هر ولایت په کچه د خپلو علمي او اقتصادي حل لارو له مخې پراختیا ومومي.
د پیغام پای/
Your Comment