کابل کې د ایرنا خبري آژانس د خبریال په خبره، افغان ملي لوبډلې نن سه شنبې د غبرګولي ۱۵ مه د یاد نړیوال جام په خپله لومړنۍ لوبه کې وکولی شول، چې د خپلو ۱۸۴ منډو هدف څخه دفاع وکړي او د یوګانډا ټیم ته د ۱۲۵ منډو په توپیر ماته ورکړي.
په دغه لوبه کې فضل الحق فاروقي ۵ ویکټې، نوین الحق او راشد خان دوه دوه ویکټې او مجیب الرحمن یوه ویکټه تر لاسه کړه، چې د لوبې غوره لوبغاړی هم فضل الحق فاروقي شو.
په توپ وهنه کې بیا رحمن الله ګربز ۷۶ او ابراهیم ځدراڼ ۷۰ منډې د افغانستان په ګټه وکړې.
د یادونې ده، چې په دغه نړیوال جام کې افغانستان په سي ګروپ کې له پاپانیوګیني، نیوزیلنډ او ویسټ انډیز سره لوبې لري.
د افغانستان دویمه لوبه به راتلونکې جمعه د غبرګولي ۱۸ مه چې د جون ۷ کېږي له پاپانیوګیني سره تر سره شي.
د پیغام پای/
Your Comment