کابل کې د ایرنا خبري آژانس د خبریال په خبره؛ د افغانستان د سرپرست دولت د حج، ارشاد او اقافو وزارت نن شنبې د غبرګولي ۱۲ مه په یوه خبرپاڼه کې اعلان کړی دی، چې د کندهار له زون څخه تر اوسه پورې له ۴ زره زیات کسان د حج اداکولو لپاره سعودي عربستان ته لېږل شوي دي.
خبرپاڼه زیاتوي: نن ورځ دوه الوتنې چې ۲۳۰ او ۳۴۶ تنه حاجیان په کې د هلمند او کندهار ولایت له زون او هوايي ډکر څخه سعودي ته ولاړل.
د حج وزارت د معلوماتو پر اساس تر اوسه پورې د کندهار له زون څخه سعودي عربستان ته ۱۴ الوتنې شوې دی، چې په ټول ډول یې ۴ زره او ۱۴۲ تنه حاجیان له دغه زون څخه حرمین شریفین ته رسولي.
خبرپاڼې زياته کړې، له دريو زونونو څخه د جدې هوايي ډګر ته د الوتنو د مهال وېش له مخې هره ورځ د اريانا او کام هوايي شرکتونو له خوا د حج پروازونه ليږل کيږي.
د ایرنا د خبر له مخې د ابراهیمي حج په مراسمو کې به ۳۰ زره افغان حاجیان حج ته واستول شي.
د پیغام پای/
Your Comment