کابل کې د ایرنا خبري آژانس د خبریال په خبره: د افغانستان د سرپرست دولت د اقتصاد وزارت مسلکي مرستیال عبدالطیف نظري نن شنبې د غبرګولي ۱۲ مه پر خپله اېکس پاڼه لیکلي: اسلامي امارت د بهرنیانو د مداخلو برخه کې ډېر حساس دی او هېڅ بهرني هېواد ته په داخلي چارو کې د لاسوهنې اجازه نه ورکوي.
د هغه په وینا، په تېره نیمه پېړۍ کې د افغانستان د ناورین اصلي لامل همدا د بهرنیانو مداخلې وې.
د اقتصاد وزارت مرستیال همداراز وویل: هېڅ هېواد ته به اجازه ورنه کړل شي چې په افغانستان کې نیابتي او جیو پولیټیکل جګړه پیل کړي.
د اسلامي امارت وياند مولوي ذبيح الله مجاهد د ډاکټر عبداللطيف نظري څرګندونې تاييد کړې او دغه څرګندونې يې کره او منطقي بللي دي.
د پیغام پای/
Your Comment