حنفي: علما دې د پوهو او سودا لرونکو افرادو په پاللو سره هېواد د پرمختګ لور ته وخوځوي

کابل کې د ایرنا خبري آژانس د خبریال په خبره؛ د افغانستان د سرپرست دولت ارګ نن پنشنبې د غبرګولي ۱۰ مه بلخ کې د مزارشریف د دولتي ادارو، دیني عالمانو او لوړ پوړو ملکي او نظامي مسوولینو سره د سرپرست دولت د اداري مرستیال مولوي عبدالسلام حنفي د لیدو خبر ورکړی دی.

د دولت اداري مرستيال مزارشريف ته د خپل سفر په ترڅ کې د دغه ولايت له تاريخي ابداتو او د نبوي جومات له کتابتون، موزيم او نورو برخو څخه ليدنه وکړه او د هېواد د تاريخي او لرغونو اثارو پر ساتنې يې ټينګار وکړ.

مولوي عبدالسلام حنفي د ۲۰۹ اتل قول اردو څخه لیدنه وکړه او د دغه قول اردو له قومندان ملا رحمت الله محمد اکا سره یې وکتل او د امنیتي مسایلو او د اسلامي او انساني ارزښتونو د ساتنې په اړه یې خبرې وکړې.

نوموړي د عبدالله بن مسعود په تعلیمي مرکز په یوه کنفرانس کې هم ګډون کړی و او د خپلو ویناوو په ترڅ کې یې د امنیت، سولې او اسلامي نظام په دفاع کې د اسلامي امارت د مجاهدینو رول مهم او ارزښتناک وباله او هغوی ته یې خطاب کې و ویل: تاسو د اسلامي امارت د مجاهدینو رول مهم او ارزښتناک دی، د اسلامي ارزښتونو، خپلواکۍ او تاسو د ځمکنۍ بشپړتیا ساتونکي یاست او د اسلام او وطن له دښمنانو سره په مبارزه کې د هغوی مېړانه او سرښندنې وستایلې.

مولوي حنفي د امام مسلم (رح) د دارالعلوم جلاليه لېسې څخه ليدنه وکړه او د دې لېسې او دارالعلوم له مسوولينو شيخ سيد محمد هاشمي او شيخ عبدالقهار سره يې وکتل زياته يې کړه: د دې خاورې بچيان په هېواد کې زده کړو ته سخته اړتيا لري، د مختلفو څانګو او کچو پوهانو او عالمانو ته پکار ده چې د امکان تر حده هڅه وکړي چې خلکو ته د ښو ښوونیزو خدمتونو د وړاندې کولو لپاره د پوهو او با سواده خلکو په روزلو سره هېواد د پرمختګ او پیاوړتیا په لور بوځي.

د پیغام پای/