کابل کې د ایرنا خبري آژانس د خبریال په خبره؛ د افغانستان د سرپرست دولت د کرنې، اوبو لګولو او مالدارۍ وزارت مسوولینو نن شنبې د غبرګولي ۵ مه په یوه خبرپاڼه کې ویلي، د بلخ ولایت د کرنې، اوبولګولو او مالدارۍ ریاست د زده کړو او پرمختیا موسسې په همکارۍ په اړمنو کورنیو د شېدو غواګانې و وېشلې.
خبرپاڼې زیاته کړې، د ښځو لپاره د کار د پيدا کولو په مقصد دغه رياست د بلخ ولايت په شولګر ولسوالۍ کې په ٣٢ مستحقو کورنيو باندې د شيدو غواګانې وېشلې دي.
د ایرنا د خبر له مخې د افغانستان نږدې ۷۰ سلنه خلک کروندګر دي او د خپل ژوند لګښتونه په عمده توګه د کرنې او حیواني محصولاتو له لارې برابروي.
د پیغام پای/
Your Comment