کابل کې د ایرنا خبري آژانس د خبریال په خبره؛ د ملګرو ملتونو د ماشومانو د ملاتړ صندوق مسوولینو نن یکشنبې د غوايي ۳۰ مه پر خپله اېکس پاڼه لیکلي: غور ولایت کې د سختو سېلابونو له امله ګڼو ماشومانو او نورو خلکو ته زیانونه رسېدلی او دغه راز تر ۱۰۰۰ زیات د استوګنې کورونه نړېدلي دي.
د یونیسف مسوولینو ویلي: د افغانستان ماشومان سخت مصبتونه زغمي، موږ ټولو قربانیانو ته تسلیت وایو.
دې ادارې اعلان کړی چې د نړیوالې ټولنې د ملاتړ لپاره د مرستو راټولولو لپاره هلې ځلې کوي.
د ایرنا د راپور له مخې په غور ولایت کې د جمعې په ورځ د غوايي ۲۸ مه د سېلابونو له امله ۸۰ تنه مړه شوي او ګڼ نور لا هم ورک دي.
د غور ولایت د اطلاعاتو او کلتور رییس له ایرنا خبری اژانس سره په خبرو کې وویل: د وروستیو سېلابونو له امله د استوګنې شپږ زره کورونه ویجاړ شوي دي.
د پیغام پای/
Your Comment