د سرپرست دولت پلاوی د اسلامي همکاریو سازمان په پنځلسمه ناسته کې ګډون وکړ

کابل کې د ایرنا خبري آژانس د خبریال په خبره؛ د افغانستان د سرپرست دولت ویاند عبدالقهار بخلي نن یکشنبې د غوايي ۱۶ مه په خپله اېکس پاڼه لیکلي:

د افغانستان د اسلامي امارت پلاوي د ګامبیا په پلازمېنه بنجول کې د اسلامي همکاریو د سازمان په پنځلسمه سرمشریزه کې ګډون وکړ.

بلخي لیکلي: د افغانستان د اسلامي امارت په استازیتوب د اسلامي همکاریو د سازمان په رسمي بلنه په دې غونډه کې د بهرنیو چارو وزارت ویاند او د نړیوالو سازمانونو رئیسانو ګډون کړی و.

د بلخي په وینا، د اسلامي امارت پلاوی به په عمومي غونډه کې پر ګډون سربېره د اسلامي همکاریو سازمان له لوړپوړو چارواکو او د غړو هېوادونو له استازو سره پر دوه اړخیزو او څو اړخیزو مسایلو هم خبرې وکړي.

د اېرنا د خبر له مخې، د اسلامي هېوادونو د همکارۍ د سازمان د مشرانو پنځلسمه غونډه به د مۍ په څلورمه او پنځمه نېټه د ګامبیا په پلازمېنه بنجول کې د هېوادونو د مشرانو او د بهرنیو چارو د وزیرانو په شتون سره جوړه شي.

د پیغام پای/