په کابل کې د ایرنا خبري آژانس د خبریال له مخي، د افغانستان د سرپرست حکومت د ویاند مرستیال حمدالله فطرت نن یکشنبه د لیندۍ په ۱۱ مه وویل د رياست الوزراء اداري مرستيال مولوي عبدالسلام حنفي پرون ازبکستان ته د خپل سفر پر مهال د ازبکستان لومړي وزير عبدالله عارفوف سره وکتل.
حنفي د ازبکستان لومړي وزير سره پر دې کتنې د خوښۍ څرګندولو ترڅنګ د دواړو هيوادونو ترمنځ د سياسي، اقتصادي، فرهنګي او همداراز سوداګريزو اړيکو پر پراختيا ټينګار وکړ.
ده زياته کړه: د دواړو هيوادونو ترمنځ سوداګري تر بل هر وخت ښه غوړېدلې، چې د افغانستان او ازبکستان ترمنځ د ګډو ګټو او په مختلفو برخو کې د اړيکو پراختيا لامل شوې ده. د ازبکستان لومړي وزیر د افغانستان او نورو هيوادونو د کانونو استخراج او د سوداګريزو توکو د ترانزیټ په برخو کې يې د خپل هيواد د لېوالتيا خبر ورکړ.
ده وويل: د افغان - ټرانس او لويې پروژې عملي کېدل به د افغانستان په ګډون ټولو دخيلو هېوادونو ته ډېرې ګټې ولري.
د ایرنا د خبر له مخې، د افغانستان د سرپرست حکومت اداري مرستیال مولوي عبدالسلام حنفي پرون د یوه پلاوي په مشرۍ ازبکستان ته لاړ.
د پیغام پای/