په کابل کې د ایرنا خبري آژانس د خبریال په وینا، د افغانستان د سرپرست حکومت د اطلاعاتو او کلتور وزارت چارواکو نن سه شنبه د وږی ۲۷مه په خپله خبرپاڼه کې اعلان کړی چې د دغه وزارت د ځوانانو چارو معین قاري محمد یونس رشید پروان ولایت ته سفر کړی او د دغه ولایت له ځوانانو سره یې وکتل.
د دغه ولايت د اطلاعاتو او فرهنګ رئيس مولوي شمس الحق صديقي وويل: لکه څنګه چې ځوانانو په شل کلن جهاد کې مهم رول لوبولی، همدا اوس يې د فکري جګړې په مبارزه کې هم مهم رول لوبولی دی.
داطلاعاتو اوفرهنګ وزارت دځوانانو دچارو معين قاري محمد يونس رشيد وويل: پروان ولايت ته د مونږ د سفر موخه دهېواد ځوانانو ته د خپلو افکارو، ستونزو او هيلو د څرګندولو زمينه برابرول دي.
ښاغلي رشید د امنیت د تامین، د خپلواکۍ د تامین، د اقتصادي پروژو د تطبیق او پراختیا، د ټولنیز عدالت او ملي حاکمیت د تامین په برخه کې د حکومت هڅې او لاسته راوړنې وستایلې او ویې ویل: په حکومت کې بې عدالتي، ظلم، شخړې، تبعیض او نژادي تبعیض شتون نه لري او ټول قومونه دخپل هیواد دپرمختګ او خودکفایۍ لپاره سره یو ځای شوي دي، الحمدلله اسلامي امارت په هیواد کې ګڼ شمیر پرمختیايي او اقتصادي پروژې پلې کړي دي.
نوموړي د زرګونو ځوانانو لپاره د تعلیمي او کاري فرصتونو د رامنځته کولو یادونه هم وکړه او ویې ویل: اسلامي امارت د نوي نسل د ظرفیت لوړولو ته ژمن دی.
د پیغام پای/