په کابل کې د ایرنا خبري آژانس د راپور له مخې، د افغانستان د سرپرست حکومت د کانونو او پټرولیم وزارت چارواکو نن پنجشنبه د وږی په ۲۲ مه نېټه په یوه خبرپاڼه کې اعلان وکړ چې د ټاپي او نورو سترو پراختیايي پروژو له پرانېستو وروسته به د دغه وزارت سرپرست ملا هدایت الله بدري د هرات د نفتي حوزې څخه چې د هېواد په لویدیځ کې موقعیت لري، لیدنه کړې ده.
ورځپاڼې زیاته کړې چې د هرات ولایت د نفتو حوزې ۲۳ زره کیلومتره مربع مساحت لري او په ۴ بلاکونو ویشل شوي او اکتشاف او استخراج ته چمتو دي.
چارواکي وايي، دغه ساحې لا له وړاندې د کانونو او پټروليم وزارت د وېبپاڼې له لارې داوطلبۍ ته وړاندې شوې او يو شمېر شرکتونو خپل وړانديزونه وړاندې کړي دي.
د پیغام پای/