کابل کې د ایرنا خبري آژانس د خبریال په خبره؛ د افغانستان د سرپرست دولت د لوړو زده کړو وزارت مسوولینو نن یکشنبې د چنګاښ ۳ مه په یوه خبرپانه کې د دغه وزارت د مشرتابه شورا د غونډې خبر ورکړی دی.
د سرپرست دولت د لوړو زده کړو وزارت سرپرست مولوي ندا محمد ندیم و ویل: موږ د خپل مسوولیت په اړه ځواب ویونکي یو او مسوولین باید د خپلو ورځنیو کارونو تر څنګ مهم کارونه په جدي توګه وڅاري او په ښه توګه یې پای ته ورسوي.
هغه په تعلیمي ادارو او مرکزي دفترونو کې د مهمو او اساسي کارونو د عملي چارو د تعقیب، د وزارتونو او نورو څانګو سره د تړونونو تعقیب او پلي کولو، د پوهنتونونو د تجهیز او سمبالولو مسولیت لري.
نوموړي د دوی ستونزو ته په کتو، د تخصصي محصلینو لپاره د زمینې په رامنځته کولو، د استادانو د ظرفیتونو په لوړولو، د علمي ناستو په پایلو او په هېواد کې د باکیفیته زده کړو د زمینې په برابرولو ټینګار وکړ.
د لوړو زده کړو وزارت د یادو موضوعاتو د تعقیب په موخه کمیټې جوړې کړې ترڅو اړوند مسایل په جدي توګه تعقیب کړي.
د پیغام پای/