کابل کې د ایرنا خبري آژانس د خبریال په خبره؛ د افغانستان د سرپرست دولت د مالیې وزارت نن یکشنبې د غبرګولي ۲۷ مه اعلان کړی دی، هغه شمېر وسایط چې مخکې هېواد ته وارد شوي دي د اسناد طی مراحل به یې د روان کال د زمري تر ۲۴ مې پورې دوام ولري.
دغه وزارت دا هم ویلي، چې د رهبرۍ د فرمان او د کابینې د پرېکړې له مخې هېواد ته له ۲۰۰۵ کال څخه د ټیټو موټرو واردول منع دي.
د ایرنا د خبر له مخې؛ دغه وزارت تېره ورځ اعلان وکړ چې د خلکو اقتصاد ته په پام سره په افغانستان کې له اسنادو پرته د موټرونو د ثبت بهیر د روان لمریز کال تر پایه غځول شوی دی.
د پیغام پای/