ننګرهار کې د ایرنا خبري آژانس د خبریال په خبره؛ د ننګرهار سیمه ییزه چارواکو نن شنبې د غبرګولي ۱۲ مه تایید کړې، چې نن سهار کابو ۷:۳۰ بجې د دغه ولایت د مومند درې ولسوالۍ په باسول سیمه کې یو جنلېټري کښتۍ په سیند کې ډوبه شوه، چې له امله یې د ښځو او ماشومانو په ګډون ۲۰ تنه مړه شول.
د مومند درې ولسوال مولوي محمد اجمل شګیوال وايي، تر اوسه پورې د ۹ تنو جسدونه را ایستل شوي او د نورو پاتو کسانو د جسدونو راایستلو لپاره هڅې روانې دي.
د ننګرهار د عامې روغتیا ریاست د ژغورنې ټیم هم سیمې ته رسېدلی دی.
ویل کېږي په دغه کښتۍ کې ټول ۲۵ تنه سپاره وه، چې ۵ تنه ترې ژوندي ژغورل شوي دي.
د پیغام پای/