به گزارش خبرنگار خبرگزاری ایرنا در کابل؛ عبدالمتین قانع سخنگوی وزارت امور داخله دولت سرپرست افغانستان امروز چهارشنبه 5 ثور، در صفحه اکس خود نوشت: در ادامه روند کمپاین تخریب کشتزارهای کوکنار این بار پولیس مبارزه با مواد مخدر طی چندین عملیات جداگانه 244 جریب زمین را در ولسوالی‌های تاله و برفک، بغلان مرکزی، دوشی و پلحصار ولایت بغلان، بیش از 200 جریب زمین را در ولسوالی ارگو ولایت بدخشان، 62 جریب زمین را در ولایت لغمان،20 جریب زمین را در ولایت قندز، 7.7 جریب را در ولایت تخار و 2.86 جریب زمین را در ولایت پروان از وجود بته‌های کوکنار پاکسازی نمودند.
به گفته‌ی قانع در مجموع 536.36 جریب زمین در ولایات بغلان، بدخشان، لغمان، قندز، تخار و پروان از وجود بته‌های کوکنار پاکسازی شده است.
سخنگوی وزارت امور داخله افزود: مزارع کوکنار را در ولایات هرات و نمیروز نیز تخریب شدند.
پایان پیام/